နှမ်းသီးနှံတွင် ပိုးမွှားရောဂါကျရောက်မှု သက်သာစေရန် ကြိုတင်ကာကွယ်ခြင်း

သီးနှံများ အထွက်တိုးစေရန်အတွက် ပိုးမွှားရောဂါ ကင်းရှင်းရန်နှင့် ရာသီဉတုကောင်းမွန်ရန် အထူးလိုအပ်ပါသည်။ လူဉီးရေတိုးပွားလာမှုနှင့်အတူ သီးနှံဈေးကွက် ကြီးထွားလာမှုတို့ကြောင့် သီးနှံများ၏ အထွက်နှုန်းသည်လည်း တိုးတက်စေရန် အထူးလိုအပ်ပါသည်။ နှမ်းသီးနှံတွင်လည်း ပိုးမွှားရောဂါ ကင်းရှင်းစေရန်အတွက် ဘက်စုံကာကွယ်ရန် လိုအပ်ပါသည်။

နှမ်းသီးနှံ မစိုက်မီ ပိုးမွှားရောဂါကို ဘယ်လိုကာကွယ်ရမလဲ။

• သီးနှံစိုက်ချိန်မှန်ကန်ရပါမယ်။
• သီးလှည့်စိုက်ပေးရမယ်။
• နွေရာသီတွင် ထယ်ရေးနက်နက်ထိုးပေးရပါမယ်။
• ပိုးမွှားရောဂါများ ခိုအောင်းနေထိုင်သော လက်ခံပင်များကို ရှင်းလင်းပေးရပါမယ်။
• ပိုးမွှားရောဂါဒဏ် ခံနိုင်ရည်ရှိပြီး အထွက်ကောင်းသော မျိုးများကို အသုံးပြုရပါမည်။
• မြေကြီးထဲသို့ ပိုတက်စီယမ်နှင့် ကယ်လ်စီယမ်ပါသော မြေဩဇာများကို ကြိုတင် ထည့်ကျွေးရပါမည်။
• စိုက်သောအခါ မျိုးစေ့လူးနယ်ဆေး သုံးရပါမယ်။
• နှမ်းသီးနှံ ပင်ပိုင်းကြီးထွားချိန်တွင် ပိုးမွှားရောဂါကျရောက်မှုမှ ဘယ်လိုကာကွယ်ရမလဲ။
• ရေဝပ်ဒဏ်မှ ကြိုတင်ကာကွယ်ထားရပါမယ်။
• စိုက်ပြီး ၁၅ ရက်မှ ၂၅ ရက်အတွင်း ပေါင်းမြက်ကို ကင်းစင်အောင် ထားရပါမယ်။
• နိုက်ထရိုဂျင်များသော မြေဩဇာများကို ထည့်ကျွေးရပါမယ်။
• နှမ်းသီးနှံ ပန်းပွင့်ချိန်တွင် ပိုးမွှားရောဂါကျရောက်မှုမှ ဘယ်လိုကာကွယ်ရမလဲ။
• ပန်းပွင့်ချိန်တွင် ရေပြတ်လပ်မှု မဖြစ်စေရန် ရေကို စနစ်တကျပေးရပါမယ်။
• ရင့်မှည့်ချိန်တွင်လည်း လိုအပ်သော အနည်းလို အဟာရဓာတ်များကို အချိန်မှန် ကျွေးပေးရပါမည်။
• ကျေးဇူးရှင် တောင်သူဉီးကြီးများ နှမ်းသီးနှံတွင် အရည်အသွေးကောင်းပြီး ဈေးကောင်းရရှိကြပါစေ။