ပင်မစာမျက်နှာ စိုက်ပျိုးရေး ဗဟုသုတ
2023-07-06
Share to
Facebook
Twitter
Follow by Email
ခရမ်းချဉ်တွင် ကျရောက်တတ်သော ဘက်တီးရီးယားရွက်ပြောက်ရောဂါ
 
ခရမ်းချဉ်စိုက်တောင်သူကြီးတို့ စိတ်ညစ်ရတဲ့ ရောဂါတွေထဲက တစ်ခုကတော့ ဘက်တီးရီးယား ရွက်ပြောက်ရောဂါပါပဲ...
ဘက်တီးရီးယားရွက်ပြောက်ရောဂါဟာဆိုရင်...
 
  • အပင်အပေါ်ပိုင်းတွင် အများဆုံး ကျရောက်တတ်ပြီး အရွက်၊ ပင်စည်၊ အသီးပေါ်တွင် အညိုရောင် အဝိုင်းဒဏ်ရာများ ပေါ်လာသည်။
  • အရွက်ဒဏ်ရာတစ်ဝိုက်ရှိ တစ်သျှူးသားများသည် အဝါရောင်ပြောင်းလာပြီး အချို့သော အရွက်များတွင် အပေါက်ပုံစံများ ဖြစ်နေသည်ကို တွေ့နိုင်သည်။
  • ဒဏ်ရာများ ဆက်လာသောအခါ အရွက်များ ခြောက်လာပြီး ကြွေကျသည်အထိဖြစ်နိုင်သည်။
  • အသီးပေါ်ရှိ ဒဏ်ရာများသည် သေးငယ်သော အစက်ပြောက်များအဖြစ် စတင်ပြီး နောက်ပိုင်းတဖြည်းဖြည်း ဖောင်းလာကာ အနာဖေးပုံစံကဲ့သို့ ဖြစ်လာသည်။
 
ရောဂါဖြစ်စေသော သက်ရှိမှာ
 
  • အစေ့မှတစ်ဆင့် ကူးစက်ပျံ့နှံ့နိုင်သလို စက်ကိရိယာများ၊ မိုးပြင်းလေပြင်းများ၊ ရေစင်ခြင်းများမှ တစ်ဆင့်လည်း ကူးစက်နိုင်သည်။
  • သီးနှံအကြွင်းအကျန်များတွင် ဆောင်းခိုနိုင်ပြီး မိုးသည်းထန်စွာ ရွာခြင်း၊ စိုထိုင်းဆ မြင့်မားခြင်း၊ အပူချိန် ၇၅-၈၆ ဒီဂရီ ဖာရင်ဟိုက်တွင် ရောဂါပေါက်ပွားနှုန်း မြင့်မားသည်။
  • ရောဂါဖြစ်စေသက်ရှိသည် ရောဂါမဖြစ်‌သေးဘဲ အပင်ပေါ်တွင် ရှင်သန်နိုင်သည်။
 
ကာကွယ်နှိမ်နင်းနည်းများ
 
  • ရောဂါ၊ ပိုးမွှားကင်းစင်သော ခံနိုင်ရည်ရှိသော မျိုးများကို စိုက်ပျိုးပါ။
  • ပျိုးပင်များကို ရေများစွာ ပေးခြင်း ရှောင်ပါ။
  • ရေဆင်းအားကောင်းသော မြေမျိုးတွင် စိုက်ပျိုးပါ။
  • သီးနှံအကြွင်းအကျန်များကို ထယ်ထိုးထွန်မှောက်ပေးပါ။
  • သီးလှည့်စိုက်ပျိုးပါ။
  • ဆေးသုံးမည်ဆိုပါက ရေ ၂၀ လီတာဝင် ဆေးတစ်ပုံးလျှင် ဘီလီယံ ၁၀၀ ဂရမ်နှင့် ကျူပရောက်ဆက် ၅၀ စီစီ နှုန်းဖြင့် ရက်ခြားအလိုက် တစ်လှည့်စီ ဖျန်းပါ။