ဘိုရွန်(B)၏ အပင်အတွက် အရေးပါမှု

ဘိုရွန်(Boron) သည် အပင်များအတွက် လိုအပ်သော micronutrient (အနည်းငယ်သာလိုအပ်သော်လည်း မရှိမဖြစ်လိုအပ်သော ဓါတ်) တစ်မျိုးဖြစ်ပြီး အပင်ကြီးထွားမှုနှင့် အသီးအနှံထွက်ရှိမှုအတွက် အရေးကြီးပါတယ်။ထို့ကြောင့် ဘိုရွန်၏ လုပ်ဆောင်ချက်များကို တောင်သူဦးကြီးများ သိရှိနိုင်ရန် တင်ပြလိုက်ရပါသည်။

ဘိုရွန်၏ အရေးပါသော လုပ်ဆောင်ချက်များ

1. ဆဲလ်နံရံ တည်ဆောက်ခြင်း

   • အပင်၏ ဆဲလ်နံရံ (cell wall) များကို ခိုင်မာစေပြီး ပုံသဏ္ဍာန်မှန်ကန်စေသည်။

2. အသစ်တိုးပွားသော အစိတ်အပိုင်းများ (Growing points)

   အမြစ်ခေါင်း (root tip)၊ မျက်စိ (bud) စသည့် နေရာများတွင် ဆဲလ်ခွဲခြားမှုကို အားပေးသည်။

3. ပန်းပွင့်ခြင်းနှင့် မျိုးပွားမှု

   • ပန်းပွင့်နှုန်းကောင်းစေပြီး ဝတ်မှုန်မိခင်ဆဲလ် (pollen Mother Cell) များ၏ အရည်အသွေးကို မြှင့်တင်သည်
   • မျိုးပွားခြင်းနှင့် အသီးတည်ခြင်းကို ကူညီသည်

4. အာဟာရနှင့် သကြား လှည့်လည်ပို့ဆောင်မှု

   • သကြားများနှင့် အာဟာရဓာတ်များကို အပင်အတွင်း ပို့ဆောင်ရာတွင် ပါဝင်ကူညီသည်
   • ကယ်စီယမ် သယ်ဆောင်ပစ္စည်း Carrier အဖြစ် သစ်သီးများဆီသို့ Ca ရောက်ရှိရန် ကူညီပေးသည်

5. အမြစ်ဖွံ့ဖြိုးမှု

   • အမြစ်များ ပိုမိုကြီးထွားကောင်းမွန်စေပြီး မြေမှ အာဟာရစုပ်ယူမှုကို မြှင့်တင်သည်

6. အသီးအရည်အသွေး

   • အသီးများဆွတ်ခူးချိန်အထိသာမက သိုလှောင်စဥ်၊ဈေးကွက်တင်စဥ်ကာလ အရည်အသွေးကောင်း‌‌စေရန် ထိန်းသိမ်းပေးသည်

 အပင်တွင် ဘိုရွန်ဓာတ်မပြည့်ဝမှု (Deficiency) လက္ခဏာများ

• အပင်၏ အထက်ပိုင်း (shoot tips) များ သေသွားခြင်း
• အရွက်များ ကွေးကောက်ခြင်း၊ ပုံသဏ္ဍာန်မမှန်ခြင်း
• ပန်းမပွင့်ခြင်း သို့မဟုတ် အသီးမကောင်းခြင်း
• အမြစ်တိုးတက်မှုနည်းခြင်း
• ချို့တဲ့လွန်လျှင် အညွှန့်သေခြင်း။
• သန္ဓေအောင်မြင်မှုနည်းခြင်း/ အပင် အသီးမတင်ခြင်း
• အသီးနုများ ကြွေခြင်း။

သီးနှံအလိုက် ဘိုရွန် အသုံးပြုနည်း

1.  စပါး (Rice)

• ဘိုရွန် လိုအပ်ချက် နည်းသော်လည်း အရေးပါသည်
• အသုံးပြုပုံ
  • မြေထဲထည့်ခြင်း – ၁ ဧကလျှင် ၁–၂ kg (Boron fertilizer)
  • ဖျန်းခြင်း – ပန်းပွင့်မတိုင်မီ အချိန်တွင် 1–0.2% ဖြင့် ဖျန်းနိုင်

2. ပြောင်း (Maize)

• အမြစ်ဖွံ့ဖြိုးမှုနှင့် ပန်းပွင့်ကာလတွင် အရေးကြီးပါသည်
• အသုံးပြုပုံ
  • မြေထဲ – ၁ ဧကလျှင် ၁–၂ kg
  • ဖျန်း – tasseling stage (အနှံပန်းဖူးထွက်ချိန်) တွင် ဖျန်းပေးနိုင်သည်

3.  ဟင်းသီးဟင်းရွက်များ (ခရမ်းချဉ်၊ ခရမ်း၊ ငရုတ်)

• အသီးတည်မှုနှင့် အရည်အသွေးအတွက် အရေးကြီးသည်
• အသုံးပြုပုံ
  • 1% boron solution ဖြင့် ၇–၁၀ ရက်ခြား ဖျန်း
  • ပန်းပွင့်ချိန်တွင် အထူးအရေးကြီး

4. သီးနှံများ (ဖရဲ၊ သခွား၊ မုန်လာ)

• အသီးပုံသဏ္ဍာန်ကောင်းစေပြီး ချိုမြိန်မှုတိုးစေသည်
• အသုံးပြုပုံ
  • ပန်းပွင့်ချိန်တွင် foliar spray (0.1–0.2%)
  • မြေထဲထည့်လျှင် ၁ ဧက ၁ kg ခန့်

5. သီးပင်များ (သစ်သီးပင်)

• မျိုးအောင်မှုနှင့် အသီးတည်မှုအတွက် အရေးကြီးသည်
• အသုံးပြုပုံ
  • ပန်းပွင့်မတိုင်မီနှင့် ပန်းပွင့်ပြီးချိန်တွင် ဖျန်းနိုင်သည်
  • တစ်နှစ်လျှင် ၂–၃ ကြိမ် ဖျန်းပါ

7.   သစ်သီးပင်များ (စပျစ်)

• စပျစ်ခိုင်တွင် ကြက်မကြီးနှင့်ကြက်ကလေးများကဲ့သို့ အရွယ်မညီသောအသီးများ မဖြစ်စေရန် ဘိုရွန်လိုအပ်သည်

8.    ဝါ

သီးနှံပင်တွင် ရွက်ညှာများအက်ကြောင်းဖြစ်ပေါ်ခြင်း၊ဝါသီးများအရွယ်မရောက်ခင်ကြွေကျခြင်း၊ ပန်းပွင့်များအရောင်ပျက်ခြင်းတို့ မဖြစ်စေရန် ဘိုရွန်လိုအပ်ပါသည်

မြေဆီလွှာအာဟာရနှင့် သက်ဆိုင်သော ဗဟုသုတများအတွက်  Myanma Awba – Comet Fertilizer Page တွင် လာရောက်မေးမြန်းနိုင်ပါသည်။