ပေါင်းသတ်ဆေးဖျန်းရာတွင် ပဲခင်းများအတွင်း အစိုဓာတ်အနည်းငယ်ရှိပါက ပိုမိုထိရောက်ပါသည်။ ပေါင်းသတ်ဆေးကို ဆေးမဖျန်းမီနှင့် ဆေးဖျန်းပြီးအချိန် မြေသြဇာကျွေးခြင်း၊ ရွက်ဖျန်းမြေသြဇာနှင့် ဆေးဖျန်းခြင်းများ မပြုလုပ်သင့်ပါ။ ဆေးဖျော်စပ်ရာတွင် ရေကြည်၊ ရေသန့်ကိုသာ အသုံးပြုသင့်ပါသည်။
ပဲတီစိမ်းအခင်းတွင်ပေါက်ရောက်သော ပေါင်းပင်များစွာကို အောက်ဖော်ပြပါ ပေါင်းသတ်ဆေးများကို မှန်ကန်စွာအသုံးပြုခြင်းဖြင့် ထိရောက်စွာနှိမ်နင်းနိုင်သည်။
(၁) ဟက်ကာ
ပဲမျိုးစုံတွင်ပေါက်သော ရွက်ပြန့်ပေါင်းနှင့် မြက်ပေါင်းများကို ရွေးချယ်သတ်ပေးသည်။
ပေါင်းပင်အရွက် (၂-၄)ရွက်ထွက်ချိန်တွင် အသုံးပြုလျှင် အထိရောက်ဆုံးဖြစ်သည်။
ဟက်ကာသည် ပေါင်းပင်၊ အရွက်၊ အမြစ်၊ ပင်စည်မှစိမ့်ဝင်သတ်နိုင်သောကြောင့် မြေအစိုဓာတ်ကောင်း၍ ပေါင်းမြက်စုံချိန်တွင်ဖျန်းလျှင် ပိုမိုထိရောက်သည်။
(၂) ဖော်ကျွန်း
ပဲမျိုးစုံ၊ မြေပဲ၊ ဝါ၊ ဖရဲ၊ ဟင်းသီးဟင်းရွက်သီးနှံများတွင် ပေါက်သောမြက်ပေါင်းများကို ထိရောက်စွာနှိန်နင်းပေးနိုင်သည့် ရွေးချယ်ပေါင်းသတ်ဆေးဖြစ်သည်။
ပေါင်းပင်အရွက် (၃-၅)ရွက်ထွက်ချိန်တွင် အသုံးပြုပါ။ သတိပြုရန်မှာ ဂျူံ နှင့် ပြောင်းသီးနှံတို့တွင် အသုံးမပြုသင့်ပါ။
(၃) ဖော်ဝမ်း
မတ်ပဲ၊ ပဲတီစိမ်း၊ ပဲပုပ်သီးနှံများတွင်ပေါက်သော ရွက်ပြန့်ပေါင်းများကိုရွေးချယ်သတ်ပေးသည်။ ထိသေဆေးဖြစ်၍ ပေါင်းပင်အစိတ်အပိုင်းအားလုံးကို ဆေးထိအောင်နှံ့နှံ့စပ်စပ်ပက်ဖျန်းမှ ထိရောက်သည်။
ပေါင်းပင်ငယ်စဉ်သုံးလျှင် ပို၍ထိရောက်သည်။ ဖော်ကျွန်းနှင့် တွဲသုံးပါက ရွက်ချွန်းရော ရွက်ပြန့်ကိုပါ သေစေသည်။
သတိပြုရန်မှာ မတ်ပဲ၊ ပဲတီစိမ်း၊ ပဲပုပ်မှလွဲ၍ အခြားသီးနှံများတွင် အသုံးမပြုသင့်ပါ။
