ပျိုးခင်းချိန်မှစပြီး အနှံထွက်ချိန်ထိ ကျရောက်လေ့ရှိတဲ့ စပါးဂုတ်ကျိုးရောဂါဟာ အခုချိန်မှာဆို ဧရာဝတီတိုင်း၊ ရန်ကုန်တိုင်းက စပါးခင်းတိုင်းမှာ ဆိုးဝါးစွာ ကျနေပြီ ဖြစ်ပါတယ်။

စပါးဂုတ်ကျိုးရောဂါဟာဆိုရင် စပါးသက်တမ်းအလိုက် ပျိုးပင်၊ စပါးရွက်၊ အဆစ်နှင့် စပါးဂုတ်တွင် ဖြစ်ပေါ်လေ့ရှိပါတယ်။

သိသာထင်ရှားတဲ့ လက္ခဏာအနေနဲ့ နီညိုရောင် လွန်းပုံသဏ္ဍာန် အနာကွက်များကို မြင်နိုင်ပါတယ်။
အကွက်အလယ်တွင် မီးခိုးရောင် (သို့) အဖြူရောင် အစက်များ ဖြစ်ပေါပြီး အစိမ်းရင့်ရောင်မှ နီညိုရောင် အနားသတ်များ ပါရှိပါတယ်။ တစ်ခါတစ်ရံ အဝါရောင် အနားသတ်များလည်း ဖြစ်ပေါ်တတ်ပါတယ်။

ရောဂါဆိုးရွားလာပြီဆိုရင်တော့ အရွက်တွေ ခြောက်ပြီး သေသည်အထိပါ ဖြစ်နိုင်ပါတယ်။

စပါးဂုတ်ကျိုးရောဂါကို ဖြစ်စေသော သက်ရှိကတော့ Pyricularia Oryzae ဖြစ်ပါတယ်။

စပါးဂုတ်ကျိုး ရောဂါကို ဘယ်လိုကာကွယ်မလဲ?

• ရောဂါကင်းပြီး ခံနိုင်ရည်ရှိသော စပါးမျိုးများ ရွေးချယ်စိုက်ပျိုးခြင်း၊
• ပုလဲမြေသြဇာကို တစ်ကြိမ်ထဲ အများအပြား အသုံးမပြုဘဲ ၂-၃ ကြိမ် ခွဲ သုံးပေးခြင်း၊
• ရောဂါဒဏ် ခံနိုင်ရည်မြင့်မားစေရန် ကောမက်ဟိုင်းကေ မြေသြဇာ အသုံးပြုပေးခြင်း၊
• တတ်နိုင်သမျှ စောစော စိုက်ပျိုးပေးခြင်း၊ အခြားသော စိုက်ခင်းများနှင့် စိုက်ချိန် တူအောင် စိုက်ပျိုးခြင်း၊
• တိုက်ရိုက်စိုက်ခင်းများတွင် ပိုမိုဖြစ်ပွားနိုင်သောကြောင့် ပျိုးထောင်စိုက်ပျိုးပေးခြင်း၊
• အပင် စိပ်စိပ်စိုက်ပျိုးခြင်းအားရှောင်ရှားခြင်း၊
• ရောဂါရ ပင်ကြွင်းပင်ကျန်များကို မီးရှို့ဖျက်ဆီးခြင်း၊
• စိုက်ခင်းဘေးပတ်လည်ရှိ ရောဂါခိုအောင်းနိုင်သော ပေါင်းမြက်များ ရှင်းလင်းပေးခြင်း တို့ကို စနစ်တကျ လိုက်နာ ဆောင်ရွက်ပေးခြင်းဖြင့် စပါးဂုတ်ကျိုးရောဂါ ဖြစ်ပွားမှုကို ကာကွယ်ထိန်းချုပ်နိုင်ပါသည်။
• ဆေးသုံးမည်ဆိုပါက မြန်မာ့ဩဘာမှ ဩဘာစပါးမှိုသတ်ဆေး၊ ထရိုင်းဒန့်ဆေးများကို အသုံးပြုနိုင်ပါသည်။

ကျွန်တော်တို့ တောင်သူကြီးတို့ရဲ့ စပါးခင်းများ ရောဂါကင်းကာ အထွက်နှုန်းကောင်းတွေ ရကြပါစေခင်ဗျာ...